Confluencias
Que é
Confluencias
O festival está baseado na confluencia de tres conceptos principais que dan sentido ó proxecto: a música, os valores e os camiños.
MÚSICA
No festival conflúen estilos, tendencias e ritmos musicais de diversas naturezas, coa idea de por en valor diferentes xéneros. No evento pódese escoitar dende rock, música de cámaras ou jazz até bandas populares e música clásica.
Ademais, Confluencias é un lugar de unión entre artistas, alumnado e docentes. O festival funciona tamén coma un sitio de aprendizaxe entre profesionais e unha experiencia educativa e formativa para os máis novos. Todo isto aparte do público xeral que tamén ven ao evento a desfrutar dos concertos.
CAMIÑOS
Santiago de Compostela é unha localidade situada nun espazo privilexiado no que conflúen todos os Camiños Xacobeos. Un emprazamento excepcional, especialmente neste longo Ano Santo 2021/2022.
A singularidade de ser un lugar no que conflúen os camiños achega un maior valor cultural, asemade da oportunidade de recibir un gran número de peregrinos de tan diversas localidades.
VALORES
Todo produto cultural ten de fondo uns valores que transmitir. Confluencias fala especialmente de sostibilidade, de ser respectuosos co medio ambiente grazas a celebrar os concertos nun espazo como é o auditorio. Un lugar que permite dar a máxima calidade e, á vez, coidar cada detalle.
Isto conflúe coa idea que transmite o propio nome, a de ser flexibles cos outros. A empatía, a tolerancia e o respecto mutuo son algúns dos valores que o festival leva por bandeira.
Entradas
Non quedes sen a túa entrada
Co apoio de:
E a colaboración de:
